.حملة خليك حجازي...وربك يجازي
من الصعب انو اي واحد غير حجازي يفهم هادي الكلمات
مِرَسْتَكَه ..: يعني مرة شيء مرتب
مِدَهْمَلْ : .... يعني مبهدل
قوام = بسرعة
بلكن = يمكن
دحين= الآن ..
مصرفدة= مستعجلة
دولا أو دُولْ =هؤلاء أو هم
مخمج = معفن
وي=للتعجب
الدحديرة = النزلة
الصمرقع = الجنان
اشبك=ماذا بك
سيبوه =اتركوه
محزق= ضيق
دحلسة= تملق وتقرب لأخذ شئ ما
ايشكلو = إيش هوا
فزّ = أتحرك
أنقزلك بتكسي= أستاجر تكسي,
اتشعبط = أتسلق
إسمنّو = على الأقل.
اتاري = لها معنيين الأول كمبيوتر والتاني لما يقولك آآآآآها اتاري
الهرجه كداااااا
بحلقت = فتحت عيني بقوة
•┅┈
اًتمنىٌ الاسٌتفادْة قدّر الامكَان لغيرْ الناطقين بالحجازية مـِن الكلّمات
هّذي علشان اذا تكلمنا تنفهم
أمثال مكاوية:
(*) يعزموا الفيران وينسوا الجيران
(*) أمسكوا غنمتكم تيسنا مايجيكم
(*) طبطب وليس يطلع كويس
(*) أعمى يقول لمكسح قوم نتفسح
(*) اللي ما ينصفني وأنا سامعته لو مت يوفر دمعته!
(*) لما وزعوا الذوق كان جالس فوق!
(*) غُربة وكربة وهم للركبة
(*) بعد ما أكل واتكا قال ريحة بيتكم مستكا!
(*) مايجي الغنج إلا من الحمير العرج
(*) الكبير لمن يتدلع زي الخشب لمن يتخلع
(*) لا تفرحي يا أم الولد بكرا بنتي تكبر وتخرجه برا البلد! ✈
(*) صاجك مايقلي وكفتيرتك ماتغلي وأنا جيتك من قلة عقلي
(*) كنس بيتك ورشو ماتدري مين يخشو✊
(*) انتهت الزفة وضرب الدفوف وجات الهبلة تقول تبغا تشوف
(*) أهل الجوز أهل جوز حتى لو كانوا سكر ولوز
(*) اليد اللي ماتقدر تدوسها بوسها
(*) قد النملة وتعمل أكبر عملة
(*) خدي الحلو واقعدي
قباله وان جعتي كلي من جماله.
(*) بيت قد المراية ولا كل يوم فين الكراية
(*) أوادم في الصورة بهايم مستورة
اهلين. وي يا نداامه
اسعد الله مساكم جميعا
وجعله يوم خير وبركه عليكم
السعودية بدون اهل الحجاز
تخيلووووو
مَا في شبكة وملكة وعربية
وهيصه وجسيس ومزمار وخبيتي
وحبا حبا.
مافي فووول وعدسسس
ماافي رز بخاري ، مافي السليق
ۆ المقلقل ،
ۆ المعصوب ۆ الهريسة
والدبيازة و والمطبق والمشروبات
التمر الھندي والسوبيا
والكركدية والتوت❤❤
والسوقدانه والتطلي
و زبادي الشوربه والتقاطيع
والمنتو والفرموزة والرز البرياني
والمندي والگابلي واللقيمات
والحلاوة اللدو واللبنية
والنارجين وغيرها !
ماتسمع ( هادي ، إيش بگ ،
إيش دآ ، بلى في شكلگ ،
لا تعافر ، يا واد بلا بھللھ ،
گبووھا ، إيـش اللــي. يا حرمھ ،
وابو شگلگ ، بطّلگ من اللقلقھ ،
إإيوووآ ، بلا لغوصھ في الگلام
جآگ البلا ، حليب جاموس )
ما راح تلقى ناس عالكرويته
برآ البيت ناس إذا مرّت من
عند الواحد رحبوا وهللوا
وياصلاة النبي ولو ما سلمت
يصيييح عليـگ ۆ يقول
آلسلام لله يبووويآ ..☝
أشبنا ربنا ما حبنا
أحلى سلام
لأهل
مكة جدة واهم شي اهل المدينه لبى قلبهم
ليست هناك تعليقات:
إرسال تعليق