كثر الموآصل فـ آلهوى مآ هو بزين
ودك بخلك بين مده ومده
لن البنادم مآ ترك طبعه الشين
لآ حب له شي وشبع منه هده
لكن لآ منه جآك من حين لي حين
قدرة جيآته وقدرة صده
فإن قلت أبيك وقال مآ هوب ذآلحين
لآ تبلشه يمكن ظروفه تحده
آصبر عليه أيام وشهور وسنين
إن كأنه يودك وكأنك توده
وخلك لآ منه أعطاك مآ تطلبه دين
مآ جآك منه آخذه و مآرد رده
و لآ تسوي مثل نآس مساكين
أصلك وفصلك فـ آلهوى لآ تعده
الحب مآ يعرف قبيله و لآ دين
نكس حكومآت وكسر آشده
جآووه عقال ورآحوآ مجانين
وكم وآحد خاضه و لآ هوب قده
يقوله آللي جآحد علته لين
سم آلهـوى حآله وبيح بسده
هذآ كلآمي وأنت بتشوف بعدين
والله إن تميز بين مزحه وجده
( عبدالله علوش )
،
ليست هناك تعليقات:
إرسال تعليق